影片
更多
2023-08-01
384 浏览
616牛肉火锅专门店经常喺全港九新界见到不同分店，但就一次都冇试过，想叹住冷气打边炉，决定去荃湾616打边炉～要等火锅滚起都要需要一定时间，先嗌个小食醉鸡卷慢慢等其他野食先，醉鸡卷酒味重，份量亦颇多，冻鸡亦唔会有鸡腥味，推荐～汤底方面我就嗌左佢期间限定嘅虫草花冬瓜牛肉锅，本来以为只有少许虫草花及冬瓜加牛肉汤，点知里面都有颇多份量嘅冬瓜块及牛肉块，牛肉好香浓牛味，点酱汁食一流餐厅今期主打日本长野县直接运到香港嘅信州和牛，之前喺OpenRice睇好似见到佢哋有拼盘，但去到餐厅时职员话拼盘已经冇做，但可以散嗌不同牛肉部位，我哋就嗌咗佢嘅牛肩胛，另外佢仲有牛腹肉及赤身等等选择日本信州和牛肩胛 - 一上枱已经觉得好impressed，肥瘦相间，好靓嘅雪花纹，份量颇多，而且仲要系亲民价$78其他肉类方面，我哋另外仲叫咗熟成加拿大牛肩脊、英国安格斯牛前胸肋、澳洲五花趾，扇贝，除肉类以外，我哋叫咗娃娃菜、杂菌拼盘、白萝卜熟成加拿大牛肩脊 - 近肩脊呈大理石油脂花纹的一小部份，21天以上嘅熟成处理，入口香浓，属牛总必食推荐～英国安格斯牛前胸肋 - 脂肪含量高，油花纹路均匀，肉质细致柔嫩～澳洲五花趾 -
要等火锅滚起都要需要一定时间，先嗌个小食醉鸡卷慢慢等其他野食先，醉鸡卷酒味重，份量亦颇多，冻鸡亦唔会有鸡腥味，推荐～
汤底方面我就嗌左佢期间限定嘅虫草花冬瓜牛肉锅，本来以为只有少许虫草花及冬瓜加牛肉汤，点知里面都有颇多份量嘅冬瓜块及牛肉块，牛肉好香浓牛味，点酱汁食一流
餐厅今期主打日本长野县直接运到香港嘅信州和牛，之前喺OpenRice睇好似见到佢哋有拼盘，但去到餐厅时职员话拼盘已经冇做，但可以散嗌不同牛肉部位，我哋就嗌咗佢嘅牛肩胛，另外佢仲有牛腹肉及赤身等等选择
日本信州和牛肩胛 - 一上枱已经觉得好impressed，肥瘦相间，好靓嘅雪花纹，份量颇多，而且仲要系亲民价$78
其他肉类方面，我哋另外仲叫咗熟成加拿大牛肩脊、英国安格斯牛前胸肋、澳洲五花趾，扇贝，除肉类以外，我哋叫咗娃娃菜、杂菌拼盘、白萝卜
熟成加拿大牛肩脊 - 近肩脊呈大理石油脂花纹的一小部份，21天以上嘅熟成处理，入口香浓，属牛总必食推荐～
英国安格斯牛前胸肋 - 脂肪含量高，油花纹路均匀，肉质细致柔嫩～
澳洲五花趾 - 五花趾筋和纹路比较多而明显，口感爽脆弹牙，相比其他款式牛肉比较冇咁重油香
扇贝 - 餐厅海鲜选择唔多，除扇贝仲有水鱿及虾滑等等，扇贝一份两只，但相对好似冇咁新鲜，牛肉专门店都系食牛肉好啲～
值得一提嘅系杂菌拼盘以木盒承载，卖相吸引，入边嘅杂菌好香，我就试咗用牛肉卷着杂菌，再点牛肉汁，入口鲜甜
Overall喺荃湾分店616都算系一个几好嘅体验，餐厅座位宽敞，当日去lunch time并唔多人，可以慢慢食，酱料及水系需要自取的，荃湾lunch time 午市八折及唔收加一，另外仲提供午市小锅套餐，唯一唔好系荃湾分店位置比较难揾，如果大家住新界有兴趣都可以去试下～
张贴
