生記粉麵

营业中

休息中

生记粉面都开店好一段时间，道听途说是之前路徳围雄记新店。之前雄记食过一次，体验极差，出品差又贵，服务也似唔忧做。疫情当中上了报道话老店执笠可惜，我心谂执笠实在合理。但生记始终第二个名，或者无关？主力做几样，点了牛𦟌米线加鱼肉。下午四点到，一两枱客，唔洗等。上菜都好快，大致都正常。仲有少少腐皮。牛𦟌四块大块，炆得好食，入味入口即化。汤底都有心机，咸酸辣有层次。佢无话自己边门边派，就系做自己味道，几好。鱼肉春卷。有鱼味，有蛋香，当然都有粉啦，但比例合理，途中都有人买一两条走。记得之前雄记都有，但难食又干又烂都唔知摆咗几耐，讲真有呢个质素又点会执丫？咸菜，都真系几咸，放少少就好。辣酱，重麻辣，惹味，都系有心机。整体而言，出色米线，价钱合理。