金坊泰國美食

营业中

休息中

今日好迟食早餐，所以两点几先食午餐。原本打算去将军澳广场食泰国野，但行行下新都城见到「金坊」有下午茶餐，大部份都系三十几蚊就有得食，所以二话不说就入左去。点左两个餐，原本以为下午茶应该细细份，但来到发现根本就系午餐份量！咖哩可选红、青或黄，而肉可选猪牛鸡。最后我选了红咖哩猪。咖哩味道不太辣，味道可以浓啲，而且质感有少少稀。猪肉系薄切，都几滑。另外点了游般汤河，呢个有惊喜！汤味特别，有啲似鸭汤加肉骨茶既味道。配料都好足。而最惊喜系河粉，餐厅用上超阔河粉、每条都好滑、好弹、好入味，正！尚有好多款下午茶选择，等我下次再黎食先！