峰壽司 (已結業)

平均每一至二星期都会有一次嚟呢边食午餐，除咗贪佢座位坐得舒服之外，最重要系佢有回转带列车送寿司。小朋友每次见到都好开心。杂锦刺身饭，配乌冬同沙律。刺身切得比较薄，但都算几新鲜。三文鱼丼散叫，剌身切得好厚，咬落有是感。配合埋三文鱼籽食好鲜甜。推介大家叫呢个。面豉汤热辣辣，入面有鸣门卷，海带同油杨豆腐，好多料！散叫左炙烧三文鱼🍣我的最爱呀，烧到好香，入口即溶。玉子同蟹柳寿司不过不失，但系今日师傅重手左，啲寿司饭好酸。鹅肝厚切，烧到表面脆卜卜。