泰COOL (英皇道) (裝修中)

自从佢8月中开舖，我食咗一次下午茶餐两次午餐，今日试埋晚市散叫，简单总结都系大件味正常抵食。大串烧拼盘($118)：猪颈肉正常唔靭，个汁好味。猪鸡串烧唔鞋，普通啦，牛串烧有少少过熟，但个汁似乎唔够香。马拉盏通菜($68)：好抵！好大碟！质素味道都正常。黄咖哩牛腩($88)加蒜蓉包($30)：蒜蓉包无蒜粒，蒜味唔重，但个包非常松脆，点咖哩好正。黄咖哩牛腩，牛腩正常，黄咖喱就看似好稀，但点住个蒜蓉包又几好味㖞。今餐系食唔哂要打包。下午茶餐基本上都$48，除咗猪手饭同海南鸡饭$58。我试咗海南鸡饭($58)：饭唔太油，不过冻咗有啲硬，鸡肉正常，不过无我最喜欢嘅甜豉油汁。午餐都$58。试过咕噜鱼，因为太少肉，仲要系鱼，我唔够饱，但味道正常。另一次试咗香叶肉碎煎蛋，肉碎比较湿，我觉得做生菜包会比较好。外子就试过牛柳粒红饭，佢话个红饭嘅酸味同甜味都可以重啲，牛柳粒就有微过熟。跟餐小食试过鱼饼同春卷，鱼饼香，春卷脆。