峰壽司 (已結業)

谂住试下午餐啦，点知冇款拣得落手，寿司配搭一d都唔吸引，连图片卖相都麻麻，睇见到唔多想食，只好散叫了。同元气一样，都系高速车送餐，一黎到就要即拎，唔系就会系咁响，好烦。葱吞拿，味道普通，冇咩香味。卖相亦一般。迷你乌冬睇落都足料，但味道偏淡。值得一赞系个软壳蟹卷，好脆，好好食。而寿司都算新鲜，只系卖相不太吸引。至于个炸墨鱼，卖相系一团炸粉，唔讲都知系墨鱼。好彩即炸，热辣辣。但食落有d惊喜，因为俾佢个炸粉呃左，以为会好大旧粉，点知又唔系㖞。不过味道就普通，仲有d腥。仲有叫左个炸鸡饭，炸鸡系几脆几好食，但落单后等左成个钟，食晒所有野都未黎。埋单两百七有找，不过是日咭机坏左，只收现金。总括，食物普通，环境感觉残旧，价钱亦唔觉特别平，试下就算。