韓牛牧場 (已結業)

依家继续冇得食晚市，但其实冬天都会心思思想食烧肉㗎嘛，但系午餐食放题又会觉得好邪恶，所以嚟咗呢间韩式烧肉食午市定食。我哋叫嘅系二人份量，满足到烧肉嘅crave之余，又唔会因为食太多而有罪恶咁，几好架😊😊😊我哋叫嘅系二人餐 (1++韩牛韩烧定量午巿餐 $238): 份量唔算多，但胜在每样都有啲，适合钟意试晒所有嘢嘅朋友。入面有两种牛，有牛肋肉同埋牛肩胛，仲有五花腩，鸡翼，虎虾，青口，同少量菜。除咗呢个拼盘之外，即使叫二人餐唔系食放题，前菜同埋嘢饮都系任饮任食㗎😀 所以我哋都好唔客气咁每样前菜试少少，同饮咗好多罐忌廉沟鲜奶😝😝😝如果斋食烧肉冇啲饭落肚，我呢个大食妹就应该唔会够饱啦。所以我哋都嗌咗个刺身饭share黎食😊 朋友唔好食鱼生，我哋嗌嘅系极上火炙七色丼 ($118)，入面系包左七种火炙左嘅鱼生同埋牛，亦都系同拼盘一样适合一啲相每样都试嘅人👍🏼 我谂如果钟意食刺身嘅你，嗌全鱼生饭可能会满足d 😛