Rustico

营业中

休息中

喺D2 Place地下有一间西班牙菜经常满座，今次提早book位，lunch时段去冇咁多人，而且lunch set亦好抵食。西班牙白毛猪火腿配特选蜜瓜及沙律味道比黑毛猪淡，但充满住咸香味同埋果香味，夹住甜甜嘅蜜瓜食好清新。自家制蕃茄酱煮新鲜大蚬, 小八爪鱼及海虾蕃茄酱酸酸甜甜，海鲜整体来讲新鲜，海虾肉质鲜，前菜来讲份量都算多。日本空运鱿鱼烩墨汁西班牙饭一上枱已经见到超大盘西班牙饭，用料特别，鱿鱼系日本空运货，非常新鲜食落去弹牙爽口，加咗墨鱼汁煮嘅饭非常鲜味，高质之选，而且非常抵食。香煎海鲈鱼拌烤南瓜另一高质之作，海鲈鱼肉质结实，海水味较重，配菜烤南瓜🎃甜甜地。