影片
更多
2016-06-13
1405 浏览
闲日入西贡行下食下晏, 谂住冇咁多人, 但原来都系咁多人, 除咗唔驶返工果d退休人士、外国人、街坊外, 仲有好多学生, 都行到差不多一点半, 谂住冇咁多人食晏, 但我地想食果间冇开, 又唔想山长水远入嚟茶餐厅食, 就谂起呢度, 嚟到见到都坐到八八九九, 咁啱有张6人枱冇人坐, 但忙到乜都未执, 照坐住先, 原来楼上有一大班学生招呼紧, 但得2个伙计, 厨忙到晕, 好彩唔赶时间, 慢慢坐下~ 忌廉汤好彩个汤都唔算等得耐, 5分钟左右都送到, 有汤饮住先~个汤唔会太杰或大稀, 啱啱好, 又唔会好劲cream味, 仲有少少蘑菇碎粒~ 牛油多士依旧系生命面包, 一人一块, 可惜冇蒜茸, 如果唔系香好多~ 香煎龙脷柳配意粉龙脷沾蛋浆煎, 所以煎香的部份唔系旧鱼, 只系个蛋浆, 而且得半条, 可能午餐价钱平一半, 所以份量都系一半~ 唔知系咪煮好太耐, 冇人拎出嚟? 旧鱼一d都唔热, 只可叫做暖, 成碟嘢似茶餐厅出品, 完全唔似西餐厅出品, 好失望 热柠水成壸上, 都有两杯架, 所以d柠檬头一转唔好笃咁烂, 唔系唔够两杯分~我谂下次都未必会再食佢个午餐, 始终都系觉得佢晚餐做得好过
忌廉汤
忌廉汤
15 浏览
0 赞好
0 留言
个汤唔会太杰或大稀, 啱啱好, 又唔会好劲cream味, 仲有少少蘑菇碎粒~
牛油多士
牛油多士
22 浏览
0 赞好
0 留言
香煎龙脷柳配意粉
香煎龙脷柳配意粉
24 浏览
0 赞好
0 留言
热柠水
热柠水
34 浏览
0 赞好
0 留言
我谂下次都未必会再食佢个午餐, 始终都系觉得佢晚餐做得好过午餐, 可能午餐要赶要快, 晚餐会好好多~
张贴
