room 3

营业中

休息中

呢间餐厅嘅环境舒适，好适合朋友聚会，慢慢叹吓嘢倾吓计。 午餐有8折优惠。我哋叫咗两个午餐，包埋沙律、甜品同埋冻/热日本煎茶（无糖）。 沙律新鲜爽脆，份量适中。首先系海之幸（海胆/拖罗/蟹肉/帆立贝/三文鱼子）寿司TACO配日式冷乌冬$248。呢个寿司TACO好有创意！用咗脆卜卜嘅紫菜盛载新鲜嘅海胆、拖罗、蟹肉、帆立贝同三文鱼子，每一款海鲜都鲜甜美味，口感丰富。另外冷乌冬，仲有温泉蛋捞埋一齐食。另一个系烧汁白鳕鱼扒配帆立贝配米饭$298。炸白鳕鱼扒，鱼肉嫩滑，烧汁香浓。炸帆立贝几大粒，整体配搭特别。最后，甜品系红豆抹茶蕨饼，甜甜的。煎茶清香解腻，几好饮。