東京築地拉麵 (已結業)

是日同朋友仔食宵夜，去左tst呢间想食好耐既拉面店，因为9点后有半价，好抵！四个人叫左三个豚骨汤拉面，一个辛辣拉面，两个小食同三杯野饮。讲左小食先，饺子新鲜热辣上，煎得岩岩好，ＯＫ！鸡翼，同样的新鲜热辣，不会太咸，ＯＫ！豚骨汤拉面，汤底味道正常，拉面无特别，但糖心蛋同叉烧好味，尤其系糖心蛋，口感细致。辛辣拉面，成个面都系油，朋友吓左一吓，「笔」哂层油出来先食，小小辣，听讲还是好味的。野饮方面，叫左两个绿茶，而送到的绿茶只是茶包加水……同一支芒果饮品，朋友仔的，听讲好难饮，话唔似芒果味。野食大合照。overall算系不过不失，半价野食唔可以咁高要求。如果系宵夜，都可以有下次。