翠林辣蟹舫

想食辣蟹第一时间谂到呢度 嚟过几次食物质素高之余 老板同员工都非常友善最钟意有卡座 两个人嚟食一路食一路望街景好写意咁啱今次嚟 餐厅仲做紧五折添 即刻豪起嚟！❣️避风塘炒蟹一上枱先俾卖相吸引 有个非常架势嘅红色盘只蟹企响度放得好工整 绝对系用嚟比眼球同相机食先再者蒜味香喷喷 未食都已经流晒口水 蟹非常大只，肉质弹牙，系新鲜先有呢个口感避风塘香料爆得非常香脆 蟹肉入味可以用来捞两碗白饭❣️捞汁秋葵本身以为系冷盘 点知原来唔系酱汁带少少豉油香 秋葵爽脆 就算唔喜欢食秋葵嘅人 都好易入口 ❣️椒麻牛肋条外层裹上薄薄嘅粉 轻轻炸过 有香脆嘅口感事前应该已把牛肋条炆过 牛肉咬落软腍juicy筋位部份呈jelly状 食落好QQ一整条骨咁上碟好有气势 椒麻味淡淡咁出场 系老少咸宜嘅菜式❣️酸菜大斑鱼用大斑鱼制作酸菜鱼咁珍贵真系第一次鱼肉紧致有弹性 鱼皮好厚 仲有层鱼油 充满骨胶原酸菜味道唔算好重 唔会抢咗鱼嘅风头