蜀客 (已結業)

之前系openrice见到蜀客精选套餐做半价就买黎试下，打电话预先book左星期六夜晚同女朋友去食。餐厅装潢优雅，侍应服务态度良好，好快就上左前菜。蒜泥白肉几滑，加埋啲酱汁辣辣地咁几好食。鲜椒海鲜汇八爪鱼爽口弹牙新鲜有口感。鲜椒黑木耳酸酸地好开胃！之后就上瑶柱海鲜豆花羹，材料好足，味道鲜甜。主菜酸菜桂鱼，桂花鱼鲜嫩无骨，无腥味，酸菜酸咸度适中，汤底少少辣，整体质素非常高！葱爆鲜虾球，虾都几大只，爽口弹牙，加埋大葱去爆炒好惹味。宫保鸡丁，好多干辣椒，鸡同腰果都充满辣椒香味！烩炒花椰菜，椰菜花爽脆唔会太淋，够晒镬气。主食回锅肉炒饭，唔会炒到好油，饭粒粒分明。甜品四川冰粉，食完辣的主食之后食冰凉的冰粉简直透心凉，跟配料花生碎、葡萄干味道非常夹！虽然每样菜式的份量都唔多，但整体食完两个人都已经够晒饱，好评！下次有机会会就帮衬的。