榮少喇沙 (已結業)

第一次试荣少喇沙，当然试招牌喇沙。面质好特别，除咗一般嘅米线/ 米粉，仲有得两沟。据说新加坡𠮶边真系会咁样食，我就真系第一次见。我点咗猪颈肉喇沙濑粉沟米粉。两只粉份量又真系大约五十五十。濑粉滑，米粉吸收汤嘅精华，沟埋一齐食好夹。可改善嘅地方系啲粉有啲碎。喇沙汤底香浓，如果再多啲椰奶味就更好。猪软骨正常发挥，够淋。喇沙配有三旧豆腐卜、半只唔太流心嘅流心蛋，豆腐卜好吸汤好正。外卖面食最怕系啲面浸到淋晒，欣赏佢有分汤。