影片
更多
2009-01-19
271 浏览
黎过三次都系食lunch，钟意呢度既环境清静，餐厅既落地玻璃望住中环一带既高楼大厦，好开扬…地方亦都坐得舒服，可以黎食个long lunch，慢慢坐几耐都可以~系半自助餐既形式，主菜有三款选择，另外头盘沙律，冻肉，小食同甜品都系自助既…最得意系有一个counter专做煲仔饭，新鲜热辣，份量好细最岩浅尝医下饭瘾~ 主菜份量都偏细，因为自助台上面有其他选择~除左自由配搭沙律之后，特式沙律都有三四款，唔系每次都一样既…caesar salad同泰式柚子沙律都好味，前者既dressing好丰富，后者西柚极甜…另外都见到有薯仔沙律，不过冇试过~ Cold cut都有几款，烟三文鱼都好食唔太咸，parma ham都还可以，我比较钟意d肥d既ham，嗒到油甘香…呢度既ham就太瘦喇，同埋切左放得太耐，肉质再风干就变得『鞋』~小食都要撞手神，未必一定岩食~ 就过炸三文鱼腩极出色，皮脆肉嫩，炸得干身但系咬落去D鱼油涌出黎~ 亦都有时会系点心类，例如小笼包，烧卖，鱼翅鲛，甚至煎酿三宝…呢类我都冇试，卖相还可以，但系我食野都几拣择，唔想食得太饱~ 另外仲有少量热荤例如炆肉排，鸡翼，时蔬，炒面饭…我钟意饮汤，
系半自助餐既形式，主菜有三款选择，另外头盘沙律，冻肉，小食同甜品都系自助既…最得意系有一个counter专做煲仔饭，新鲜热辣，份量好细最岩浅尝医下饭瘾~ 主菜份量都偏细，因为自助台上面有其他选择~
除左自由配搭沙律之后，特式沙律都有三四款，唔系每次都一样既…caesar salad同泰式柚子沙律都好味，前者既dressing好丰富，后者西柚极甜…另外都见到有薯仔沙律，不过冇试过~ Cold cut都有几款，烟三文鱼都好食唔太咸，parma ham都还可以，我比较钟意d肥d既ham，嗒到油甘香…呢度既ham就太瘦喇，同埋切左放得太耐，肉质再风干就变得『鞋』~
小食都要撞手神，未必一定岩食~ 就过炸三文鱼腩极出色，皮脆肉嫩，炸得干身但系咬落去D鱼油涌出黎~ 亦都有时会系点心类，例如小笼包，烧卖，鱼翅鲛，甚至煎酿三宝…呢类我都冇试，卖相还可以，但系我食野都几拣择，唔想食得太饱~ 另外仲有少量热荤例如炆肉排，鸡翼，时蔬，炒面饭…
我钟意饮汤，每次都有两款汤，试过冬阴功都唔错好对味，中式汤水都系加左味精啦…西汤试过洋葱汤同磨菇汤，洋葱汤要赞，有牛油香又够洋葱味，虽然好肥腻但系都饮左一碗~ 磨茹汤都唔差架，一开盖就有阵香味扑出黎，比出面一般既西餐厅做得好~ 几款面包可以拣，其中Brioche最受欢迎~
主菜每次都唔一样，印象中不过不失，系西式既菜比亚洲菜好…记得有一次炆鸭，竟然四只都系鸭翼>.< 但系煎羊扒就拿掐得好好，肉刚好熟，够味又够嫩~
甜品多数有两款蛋糕，两款布甸，另外有切成小块既蛋糕，曲奇同鲜果挞，仲有雪糕~ 芝士蛋糕水准飘忽，一时好rich好正，一时唔够实唔够甜…~
食饱就拎几块曲奇拌咖啡，慢慢坐~
埋单 每位120
唔算太多选择，毕竟系半自助餐，但系岩口味就得啦~
最主要系环境舒服，(虽然都试过一次有一大班人好嘈)
服务一般，以前态度好D既，可能而家多人黎，有几个侍应都为左快，冇以前咁好礼喇~
张贴