City Art Steak．Grill (已結業)

今晚同屋企人到沙田行街，无意之间见到帝都酒店呢间CityArt有半自助餐食，喺门口睇餐牌谂住睇吓有咩食啦！侍应好好咁邀请我地入去睇吓有咩食先决定食唔食都得。一入到门口就已经见到有6款海鲜供应，有龙虾，加拿大蟹脚，蓝青口，海虾，翡翠螺同面包蟹放出嚟任攞！见到已经好想食，所以决定坐低！一坐低嘅时候，侍应好快又好有礼貌咁帮我地开餐巾同倒水俾我地，但可能我地太早喇，只系晚上6点，所以客人唔多！到坐低之后，我当然第一时间食我最爱嘅龙虾先啦！味道很好，好新鲜！其他海鲜都好好，好新鲜！之后就到主餐牌入面嘅嘢食喇！哗！一睇原来有成11样嘢食任食㗎！有埋日式串烧食添呀！我地每样叫咗一份食住先，但都已经好满足喇！因为仲要留返个肚食甜品！甜品𠮶度都有成8款咁多，又有窝夫机自己整，雪糕仲要系Haagen-Dazs嚟㖞！价钱又合理，我地食2小时，$448一位！用埋OpenRice张优惠卷仲要有85折！