華鳥風月 (已結業)

铜锣湾CUBUS 11月新开嘅华鸟风月 @kachofugetsu.hk 喺一间新派日式居酒屋同鸡尾酒吧，餐厅占地两层，25楼为时尚居酒屋，有别于传统居酒屋🏮，华鸟风月追求「唯美」设计，以黑、白、灰去贯彻日本嘅「侘寂」风格，用咗木、石丶纸等元素去带出清净简仆而又不失高尚嘅美感，尤其开放式厨房墙上嘅花鸟水墨画，更加突显出日式风味🇯🇵，比人感觉自在、写意🥰

餐厅每日都有日本空运到港嘅飞机货，除咗即日新鲜嘅刺身同寿司之外🍣，仲有大厨炮制嘅时令鱼、琵琶虾比客人品尝🐟，当然唔少得日式串烧、海鲜料理丶天妇罗丶釜饭佐酒小食等，应有尽有😎

2 浏览

✝️静冈县水果茄沙律 $78
日本城公园有天然丰富嘅地理环境，农产品同水果亦喺当地非常出名。餐厅用咗当地酸甜适中、爆汁爽脆嘅水果茄🍅，配以自己腌制嘅红酒渍蒜头🧄，仲有新鲜嘅沙律菜🥗，喺成餐饭打头阵嘅开胃菜

✝️海胆松叶蟹肉拖罗他他 $288
除咗地中海鱼子酱同加拿大海胆🇨🇦，餐厅用咗好几款日本新鲜刺身去整成呢个他他：带子、松叶蟹肉、蓝鲸吞拿鱼碎葱拖罗，净系听到佢哋个名就知一定唔惹少🤪，拖罗喺即场剁碎嘅，见到吞拿鱼蓉无氧化变黑嘅情况👍，品质几好，用香脆紫菜夹住嚟食非常滋味，唯独个海胆有少少腥味🤏，不过食落creamy滑不溜口

✝️烧物四款
叫咗4款串烧，分别有虎虾鸡皮串($98)、阿波尾鸡翼($48)、秋葵($28)同大葱($28)，最特别最有特色嘅紧喺虎虾鸡皮串🦐，用鸡皮包住虎虾再拎去烧🔥，爽弹嘅虾肉加上焦脆嘅鸡皮食起上嚟好夹，成个口感层次都提升咗😌；阿波尾鸡翼喺德岛县——全日本产量No.1嘅鸡翼，以全天然无激素加上大大只嘅size而闻名，肉质丰厚而且多汁，不过个人略嫌盐分有啲多，有少少咸得济，相信咁出色嘅鸡翼原汁原味都已经好好食😋

4 浏览

✝️鹅肝茶碗蒸 $78
呢个茶碗蒸有白果、蟹柳、鸡肉喺当中，蛋滑细嫩，面头仲有一旧煎香嘅鹅肝🤩，茶碗蒸加入咗鲣鱼汤，每一啖都食得出鲣鱼汤衬托起炖蛋嘅鲜香味

2 浏览

✝️香煎金鲷配粟米蓉 $188
香煎至鱼鳞酥脆嘅金鲷望落都觉得吸引，餐厅自己调制咗宫崎粟米蓉去伴碟🌽，食落以鱼鲜、鳞脆、粟米微甜为特色，绝对喺一道心机菜💕

✝️烧饭团 $48
烧饭团有3款味道拣，包括明太子、辣味噌同芝士，叫咗前两款味道，师傅即场烧烤饭团🍙，望住热辣辣表面微微烧焦嘅饭团，未食都已经流晒口水🤤。搽上酱汁，放喺香脆嘅紫菜上面，暖笠笠有饭焦口感嘅饭团令人食唔停口，酱汁调校得啱啱好唔会好浓味，就算辣味噌对我嚟讲都唔算太辣👏

✝️蕨饼 $38
呢餐饭以蕨饼作为甜品作结，是日口味喺冲绳黑糖味，配上食用小菊🌻，卖相相当精致，软弹QQ嘅蕨饼配上微甜嘅黑糖酱，食落顺喉一啲都唔甜溜溜，唔错唔错💁🏻‍♂️

9 浏览

以为食完甜品就完？紧喺唔好比佢停啦👻，由25楼行楼梯落去23楼，酒吧大门紧紧关上，未入去之前充满住一层层嘅神秘感✨，当大门打开，就马上由居酒屋风格穿梭到时尚嘅鸡尾酒吧，截然不同嘅风格令客人充满惊喜🥳，我就紧喺入去叹多杯cocktail先走啦🍸

2 浏览

✝️A Day in Umaji $148
用餐厅自己浸嘅洋甘菊gin，加入桃同接骨木花糖浆，另外仲有柚子蜜糖🍯、柠檬同薄荷🌱，

0 浏览

望住Bartender以专业嘅技巧同手势去调制呢杯cocktail，净系睇嘅过程都已经值回票价😈，饮落酸酸甜甜较为fruity，一啲都唔呛喉，好适合唔太钟意烈酒味道嘅人饮