勝手 (已搬遷) 新店位置

假期前来食. 一早订左位. 入到去发现有7个女人坐分开对住坐. 坐左阵就知大镬. 佢地隔空传话好大声. 嘻嘻哈哈好鬼嘈! 坐低即有烧支豆, 原来烧左的味道都不错. 叫左一个海鲜同一个A4和牛set. 两个都有一大碟菜, 全部都好干净. 但豆腐同芋丝都得一旧. 牛都几好, 但得几块好失望. 海鲜好d, 有多d 野食. 有好大只的蚝, 带子, 虾同蚬. 样样都几新鲜同甜. 稻庭乌冬要煮耐一d. 乌冬吸左个鱼汤底十分好味.另外叫左烧冬菇同烧缮, 两样都好味. 冬菇唔干咸味刚好. 缮好滑同香. 甜品雪糕糯米糍拣左红豆味. 普通货色.以佢收的价钱来讲, 服务十分麻麻. 阿姐企向度望住冇晒水都唔识自动加汤. 个煲本身又细又深, 夹野有难度又唔识自动卑个篱黎. 另外我地入去坐, 佢要我地坐向7个女人隔离, 我以为佢其他位卑人book晒, 点知食完都冇人坐隔离. 至于环境. 间舖同张台真系好细. 张台细到d野系贴住个煲的. 食左一阵, d 和牛卑d水蒸气蒸到湿晒!! 再蒸多轮应该食得了. 张凳都好细, 仲要系高凳, 坐得唔舒服. 一开始由于佢要我地坐向7个女人隔离, 我唯有将袋放背后, 但坐左轮就腰骨