HighFive (已結業)

装修简单舒适，灯光偏暖，感觉好舒服。餐厅分两part，室内有28个位，室外约有12个位左右。四道菜晚餐 $288，跟餐包餐饮。烟三文鱼青瓜卷伴薄荷柠檬红菜头汁：卖相好有艺术感，似幅画多d。将三文鱼卷点个汁食，味道好清新。柠檬红菜头汁带出咗三文鱼的鲜味。黑松露野菌浓汤：听侍应讲，佢系用几种菇去制作，饮落好香松露味。但略嫌比较淡口。烧美国谷饲顶级西冷伴牛肉汁：叫咗5成熟，size算大，牛扒味浓，但偏咸少少，算 juicy。自家制意式甜品奶冻：口感好实在，唔似出面食果d奶冻咁水。钟意奶味重嘅朋友可以一试，我觉得唔错。餐饮抹茶鲜奶特饮 $38：第一眼感觉系可爱的，因为有只bear bear 熊，口咸够滑，但奶味太重，cover 咗抹茶原有嘅味道。但整体食物觉得唔够热，建议侍应可主动推荐tonight special，令客人有亲切的感觉。