Café Life Patisserie & Cafe (太興中心) (已結業)

前排去左上环谂住揾啲cafe坐下，揾到呢间🥳🥳 呢间餐厅啲蛋糕好精致！仲要定期转唔同主题～ 今次就有白桃同香印theme🥰香印青提拿破仑（$88）拿破仑皮够香口，不过唔够脆😭口感差少少，中间嘅吉士加入咗好多云呢拿籽，食落味道非常浓郁！配合埋旁边嘅忌廉，令到成件事非常邪恶😈好彩中间有劲多香印青提，可以减低油腻感！香印青提柠檬卷（$72）呢个卷蛋蛋香味非常突出，而且都够湿润～ 食到啖啖柠檬味😋 青提非常清甜，呢个都不错！白桃红茶忌廉蛋糕（$85）蛋糕表面有劲多白桃粒粒，新鲜又够香甜😍蛋糕湿润松软，略嫌忌廉多咗少少，不过都唔错！如果红茶味再出啲就好，但呢款绝对值得一试！