芒果皇長洲糯米糍 (已搬遷) 新店位置

我先生今日公司活动去左南丫岛，食完天虹海鲜，都仲记得个老婆系屋企。所以就买左三旧芒果糯米糍孝敬我。最有趣系佢系南丫岛买长洲既芒果皇糯米糍返东涌。佢话本来间店无咩人，但佢买完之后，佢d同事又买，糯米糍瞬间沽清。糯米糍拎左返黎都无痴埋一旧，我特登雪冻d先食，仲要衬埋我最爱既花花碟。芒果肉真系好大粒，啖啖肉，而且香甜新鲜，不过有少少榨。糯米糍皮厚薄适中，我觉得和芒果配合得恰到好处。下次有机会，希望去长洲本店试下有无唔同。