樂天經典 (奧海城二期)

营业中

休息中

都有一段时间冇外出用膳，今次同朋友聚旧，相约系大角咀。餐厅地方甚广，装潢设计感觉舒适，难怪座无虚席。聚宝海鲜豆腐大部份主菜有分大、中、小，3个份量，等大家唔会做大嘥鬼。呢个聚宝海鲜豆腐有4件，豆腐面布满有肉松碎，吃一口豆腐，哗一声，完全冇谂过口感咁嫩滑，配埋浓调既汤汁同埋海鲜粒，好食到大家抢住食最后一件。家乡海鲜炒面线卖相真系差左少少，但食落又真系有阵家乡味。虽然好简单咁用鲜虾、鱿鱼、鸡蛋、红萝卜、芽菜和椰菜炒，但炒得够干爽香而且唔油腻，家既味道大概就系咁。 三色桂花班兰糕呢个甜品卖相靓到未食已经觉得吸引，最顶系晶莹剔透既桂花糕，味道清甜，中间系班兰糕，不过唔太食得出，最底既椰汁糕味道最浓。整体感觉清凉，不失为一个好食既饭后甜品。