阿霞餛飩

营业中

休息中

我想讲一到lunch hour深水埗间间餐厅都爆晒棚！同几个同事经过行仔见到呢间嘢，惜福件嘢咁啱我哋有个同事系福建人想食家乡菜就决定入去试吓🤣我哋叫咗一个四人餐，有凉拌嘅炸嘅煎嘅汤嘅满足晒贪心嘅我哋！凉拌麻辣前菜有海带花生豆干等等既杂菜，劲福劲惹味！云吞有香炸同埋上汤两款，两款都系意料之中嘅味道！值得一提嘅小云吞有20粒😂😂大癫！另外，仲有10只大大只嘅韭菜饺！我估应该系舖头自己包嘅皮薄馅靓，个人来讲都几钟意❤️福建蚝仔煎，蚝仔新鲜大粒，而且应该即叫即整上枱热辣辣点啲辣椒油都好好味！最后仲有一个招牌卤面，呢种面我都系第一次食！有啲海味咸咸香香嘅鲜味，都几特别！咁多嘢食埋单都系一人50几蚊，值得支持😆