影片
更多
2013-09-08
262 浏览
毋庸置疑，天后可以称得上已经成为一个美食小区，唔少小店都已经薄有名气，有啲甚至打出名堂。不过，仍有好多食店在默默耕耘，好似人生咁，有实力却似乎欠点际遇，好易被人忽略，成为漏网之鱼，今夜所试嘅「御名轩」，就有种咁嘅感觉喇。其实御名轩真喺非常就脚，港铁天后站A2一出就喺，大大个霓虹招牌，都几难揾错地方。沿楼梯上去，原来有啲啱啱晌旅发局嘅烹饪比赛中赢出嘅奖状，可见御名轩都非泛泛之辈。上到大堂，长形一眼望晒，天花吊咗多盏紫色水晶灯，枣红色花纹地氊，浅黄色枱布衬香槟金櫈围，一派中式酒楼常见嘅格局，以及专摆婚宴惯用嘅色彩配搭。是晚基本上安排咗7道菜式，另再多加两道炒粉面，令今晚嘅𩠌菜更丰富。多款菜式唔单止名堂特别，食材配搭好有新意，卖相、摆花亦做得颇为精致，真喺色香味俱全！虎乳灵芝海底椰炖猪展 $168 / 四位用首先上场喺店家自信之作嘅炖汤，相中嘅炖汤喺4倍份量，供12位用，而捞一捞就见用料十足，其后将汤渣另碟上，就可知内里有海底椰、未成熟的海底椰果肉、猪展、鸡脚，以及另一重点食材虎乳灵芝（白灵芝，碟中黄黄哋一片片似山草药就喺喇），清炖4小时后就成为此盅清热润肺、化痰止咳嘅滋补靓汤。入口果然清甜
其实御名轩真喺非常就脚，港铁天后站A2一出就喺，大大个霓虹招牌，都几难揾错地方。沿楼梯上去，原来有啲啱啱晌旅发局嘅烹饪比赛中赢出嘅奖状，可见御名轩都非泛泛之辈。上到大堂，长形一眼望晒，天花吊咗多盏紫色水晶灯，枣红色花纹地氊，浅黄色枱布衬香槟金櫈围，一派中式酒楼常见嘅格局，以及专摆婚宴惯用嘅色彩配搭。
是晚基本上安排咗7道菜式，另再多加两道炒粉面，令今晚嘅𩠌菜更丰富。多款菜式唔单止名堂特别，食材配搭好有新意，卖相、摆花亦做得颇为精致，真喺色香味俱全！
虎乳灵芝海底椰炖猪展 $168 / 四位用首先上场喺店家自信之作嘅炖汤，相中嘅炖汤喺4倍份量，供12位用，而捞一捞就见用料十足，其后将汤渣另碟上，就可知内里有海底椰、未成熟的海底椰果肉、猪展、鸡脚，以及另一重点食材虎乳灵芝（白灵芝，碟中黄黄哋一片片似山草药就喺喇），清炖4小时后就成为此盅清热润肺、化痰止咳嘅滋补靓汤。入口果然清甜、滋润，其食疗功效啱晒我依类哮喘病人饮啦，所以小弟老实唔客气，添饮唔该！
虫草花炒大连鲜鲍 $198一组拉糖所做嘅珊瑚装饰，令卖相几赏心悦目。以大量芽菜跟虫草花同大连鲜鲍条快炒，配上惹味酱汁，爽口嘅芽菜，软腍嘅虫草花，烟韧嘅鲍条，再加埋少少点缀嘅炸瑶柱丝，个人觉得整个配搭上唔错，口感各有特色。虽然虫草花跟冬虫草喺两回事，不过虫草花同样喺养生食材，含丰富蛋白质、多种氨基酸、维生素……绝对有益健康。
蜂蜜炭烧鳗鱼 $130又喺一道卖相精致嘅菜式，鳗鱼炭烧后金黄带微焦，表面富光泽，藉以香橙片伴碟，睇见都好想食。鳗鱼以2-3斤重嘅入馔，贪其做出嚟嘅口感爽脆油润，简简单单以蜂蜜、柠汁明火慢烤，鳗鱼厚身有肉地，咬落外层香脆，内里嫩滑，带点清甜蜜糖香之余，而柠汁又有效减低油腻感，所以，别具风味，值得推荐。
蟹籽元贝滑西施 $138绝对喺蒸蛋白嘅豪华版，因为铺上香煎过嘅带子，以及一大撮蟹籽，再放上茨汁。蛋白蒸得非常滑溜，夹杂埋带子及蟹籽同食，多添一份鲜甜，带子虽则喺急冻货色，但质素不俗。卖相方面，继续精巧而构图美，确喺好睇又好食！
竹翠银杏 $78鲜鲍、鳗鱼、元贝试咗几款海鲜食材之后，嚟个清淡嘅素菜最健康不过。与其话佢清淡，其实反而喺正正食番出各种食材原味，清甜嘅鲜百合、白果，加埋爽脆嘅西芹、藕片、云耳、榆耳等清炒，少盐少油无添加，外观又色彩缤纷，简单也可以健康好味。
盐烧芝麻脆鸡 $250（需预订）如果用「外脆内嫩」嚟形容依道菜，只可以话啱一半。据介绍做法都有点繁复，先以秘制酱汁嚟腌，之后盐焗，又加上白芝麻，再风干，又再慢火烤烧，所以唔预订边有咁多时间搞吖。因为用上两斤半左右嘅鲜鸡，所以肉质本身已够嫩滑，配合上述做法，入口唔单止皮脆，外皮既有芝麻香，而鸡肉又渗出点点海盐咸鲜，真喺好有水准嘅一道菜式，更喺小弟是晚另一推介菜式。
面酱鸡球炒河无论湿炒定干炒，查实炒河粉都几虾人炒得好，单尾首先嚟依道面酱鸡球炒河，个人认为做得算喺不俗，河粉唔会炒到「一旧旧」，面酱鸡球几香几惹味，不过配翠玉瓜感觉麻麻，而茨汁太多会喺失分嘅地方。
龙须芝麻炒面龙须？鱿鱼须是也，将豉油皇炒面加入鱿鱼须及芝麻而变身成为高档版。豉油皇炒面入味又够干身，食落唔油腻，面条带点爽口，又有芝麻香，其实加唔加鱿鱼须，都变得唔重要。
燕窝红枣糕 $48（6件）最后上场嘅甜品，一样很有心思，卖相依样细致非常，而且甚有桂花拉糕嘅影子。唔讲真喺唔知，原来要先将红枣慢火蒸炖成日，让红枣全然出味，加入木薯粉、糯米粉等材料，一层又一层咁红白相间逐层蒸，唔难做，但花功夫呢！单食件红枣糕已好好食，口感软糯烟韧，清甜而枣味突出；再晌糕面加上印尼燕窝，矜贵不言而喻，当然燕窝亦喺女士们恩物，养颜圣品嘛，此外，红枣有补血之效，实在好啱女生嘅甜点。
静待嘅卧虎，能否晌天后依片美食乐土涌起轩然波涛，有待时间去印证。但凭今晚所试嘅菜式，既精巧，又有创意，不少仲带有药膳价值，喺不容小觑佢嘅实力！
张贴
