影片
更多
2022-12-16
64 浏览
话说近来出街食得多，中西日韩泰菜都食到闷闷地。然后上网search下发现到有呢间印尼菜，顿时眼前一亮，毫不犹豫就去呢一间位于铜锣湾嘅班兰叶印尼餐厅食晚饭。呢日虽然系平日，但系都座无虚席。而认真讲印尼餐厅比较少见，装修都几有特色。而且餐厅周围都贴满唔同菜式嘅照片，所以一坐低就可以研究有咩好食。最后决定嘅菜色有: 印尼小食拼盘 ($88): 好有趣嘅组合，有炸鸡件、烤鸡翼、炸秋葵、炸黄豆饼、炸豆腐，口感好多元化而味道亦都有惊喜。喺香港真系少见呢种组合，未试过嘅朋友值得一试！三重芝士炸碎鸡捞面 ($78): 大爱大推！印尼捞面出名就唔使讲啦，加埋芝士喺上面简直系邪恶之最🤤。而佢嘅炸鸡真系好好食，外脆内软亦都好入味，而个人建议唔点甜酸酱仲好食。成个组合真系冇得输，价钱又唔贵，真心下次一定encore💛正宗印尼咖喱鸡饭 ($58): 佢嘅咖喱椰汁味唔重亦都唔会太杰身，反而有阵清香嘅辣味，用嚟送饭系一流。而鸡件嘅份量都唔少，配以炒杂菜，实为一度健康又美味嘅晚饭。牛油果沙冰 ($48): 又系喺香港比较少见。单系佢嘅外型已经赢咗(打卡一流😂)，而且沙冰份量真系好多。味道方面加咗朱古力酱嘅组合有啲新奇
呢日虽然系平日，但系都座无虚席。而认真讲印尼餐厅比较少见，装修都几有特色。而且餐厅周围都贴满唔同菜式嘅照片，所以一坐低就可以研究有咩好食。
最后决定嘅菜色有:
印尼小食拼盘 ($88): 好有趣嘅组合，有炸鸡件、烤鸡翼、炸秋葵、炸黄豆饼、炸豆腐，口感好多元化而味道亦都有惊喜。喺香港真系少见呢种组合，未试过嘅朋友值得一试！
三重芝士炸碎鸡捞面 ($78): 大爱大推！印尼捞面出名就唔使讲啦，加埋芝士喺上面简直系邪恶之最🤤。而佢嘅炸鸡真系好好食，外脆内软亦都好入味，而个人建议唔点甜酸酱仲好食。成个组合真系冇得输，价钱又唔贵，真心下次一定encore💛
正宗印尼咖喱鸡饭 ($58): 佢嘅咖喱椰汁味唔重亦都唔会太杰身，反而有阵清香嘅辣味，用嚟送饭系一流。而鸡件嘅份量都唔少，配以炒杂菜，实为一度健康又美味嘅晚饭。
牛油果沙冰 ($48): 又系喺香港比较少见。单系佢嘅外型已经赢咗(打卡一流😂)，而且沙冰份量真系好多。味道方面加咗朱古力酱嘅组合有啲新奇，总体嚟讲都非常唔错！
姜柠蜜($28): 友人喺冻冰冰之下就想饮杯热饮，姜柠蜜味道唔太甜，最啱就俾女士暖身之用啦！
成晚食咗好多嘢都只系$300，以旺区加特色菜嚟睇真系超平，当然下次会再同朋友嚟食啦！😎
张贴
