班蘭葉印尼餐廳

营业中

休息中

铜锣湾糖街个边有唔少嘅印尼餐厅、印尼杂货铺同埋换印尼盾嘅找换店，所以系个边食印尼野都会比较正宗，今日就去左间小店「班兰叶印尼美食」试试印尼菜。《牛骨白须牛丸汤》$88一上枱就觉得碗汤面好大碗，细心d再睇睇，相当足料，有4粒正常size嘅牛丸，同埋1粒巨size嘅牛丸连牛骨。正常size嘅牛丸味道好唔错，肥瘦适中，而且有弹牙。巨size牛丸连牛骨好得意，系一旧牛骨外层包住牛丸，有少少似炸蟹钳，啖啖肉，可以满足到食肉兽。《特色印尼炒饭》$88印尼除左捞面，炒饭都好出名，通常都会有虾片、鸡串、同剪蛋配呢个炒饭。呢度炒饭只蛋系我最爱嘅㶶边煎蛋，流心嘅蛋黄汁配埋用甜豉油、虾米炒过嘅饭，非常之惹味。《大蘑菇沙嗲三吋》$58蘑菇烧得好Juice，加埋沙嗲酱食，估唔到都几夹，而沙嗲酱都好特别，入面有少少香茅味，好有印尼嘅风味。《龙眼冰》$30 《箭叶果混吉蜜》（冻）$33龙眼冰好清甜滋润，而且有唔少龙眼肉，可以食埋当饭后果解腻。箭叶果混吉蜜里面有唔同嘅柠檬、柑桔，酸酸甜甜，好岩夏天饮，消暑解渴。