Saravanaa Bhavan (已搬遷) 新店位置

当日食左一间大厦楼上铺食素嘅印度菜。职员全部都好友善，铺头有职员识讲广东话或者英文，所以唔洗担心沟通唔到。叫左米煎饼，印度炒饭同芒果拉昔。先讲下米煎饼，份量好大，睇落有D似班戟，不过就薄好多，就咁食落口就冇咩特别，不过个煎饼配埋唔同嘅酱，由淡味到浓味都有，我就最钟意绿色同啡色呢两只酱，绿色戈只酱好fresh, 因为本身煎饼有D油，所以配绿色呢只酱就可以中和翻；而啡色个只酱就比较稀，但带少少辣，食落几特别。食到一半先发现裹面有薯蓉混左洋葱，薯蓉好好食。印度炒饭叫左要少少辣，但食起上黎比想像中辣。而印度炒饭饭粒比较细长同埋比较干身，食落粒粒分明，之后仲同白色嘅洋葱酱，就中和左好多辣味，更易入口。芒果拉昔系室温，好结好香芒果味。