影片
更多
2024-04-11
269 浏览
呢间系香港少数有自助餐嘅印度餐厅。前菜、主食、甜品都一应俱全，口味仲好正宗。自助餐会包每人一杯饮品，可以拣lassi。当日嘅食客以香港人为主，餐厅员工嘅英文都非常之好。✨Pani puri呢款系印度出名嘅街头美食，佢系用脆球盛起汁水。感觉上主要系青柠𠮶种酸味，好易入口，开胃油清新。虽然平时食开嘅汁水系橙红色，但系原来呢款青绿色嘅版本味道都系一样。✨Samosa饱满嘅咖喱角卖相吸引，咬开系粉腍嘅薯仔同埋其他蔬菜，咖哩味道非常香。不过佢比较饱肚，食自助餐嘅话唔建议食太多🤣。✨Chicken tikka喺唔同嘅印度餐厅食过，呢度嘅烤鸡比较软熟同埋多肉汁，一食就知系鸡髀肉。✨Goan fish curry呢款咖喱味道温和，最特别之处系佢嘅芫荽味道特别浓郁，适合每一个芫荽控🤣。✨Palak paneer呢度嘅菠菜咖喱系正宗印度餐厅嘅水准，幼滑香浓。佢嘅芝士偏向淡，比较易入口。✨Butter chicken质地特别幼滑，有微微蕃茄酸味几开胃。鸡肉同chicken tikka都系咁嫩滑。✨Delhi golgappa shot脆脆面加埋罗望子酱、薄荷酱、乳酪，仲有新鲜嘅番石榴肉做点缀。望落去一大堆酱
呢间系香港少数有自助餐嘅印度餐厅。前菜、主食、甜品都一应俱全，口味仲好正宗。自助餐会包每人一杯饮品，可以拣lassi。当日嘅食客以香港人为主，餐厅员工嘅英文都非常之好。
✨Pani puri
呢款系印度出名嘅街头美食，佢系用脆球盛起汁水。感觉上主要系青柠𠮶种酸味，好易入口，开胃油清新。虽然平时食开嘅汁水系橙红色，但系原来呢款青绿色嘅版本味道都系一样。
✨Samosa
饱满嘅咖喱角卖相吸引，咬开系粉腍嘅薯仔同埋其他蔬菜，咖哩味道非常香。不过佢比较饱肚，食自助餐嘅话唔建议食太多🤣。
✨Chicken tikka
喺唔同嘅印度餐厅食过，呢度嘅烤鸡比较软熟同埋多肉汁，一食就知系鸡髀肉。
✨Goan fish curry
呢款咖喱味道温和，最特别之处系佢嘅芫荽味道特别浓郁，适合每一个芫荽控🤣。
✨Palak paneer
呢度嘅菠菜咖喱系正宗印度餐厅嘅水准，幼滑香浓。佢嘅芝士偏向淡，比较易入口。
✨Butter chicken
质地特别幼滑，有微微蕃茄酸味几开胃。鸡肉同chicken tikka都系咁嫩滑。
✨Delhi golgappa shot
脆脆面加埋罗望子酱、薄荷酱、乳酪，仲有新鲜嘅番石榴肉做点缀。望落去一大堆酱，但系食落去清新到不得了，微微酸好解腻。
✨Dosa
薄饼一边系脆一边系松软，本身味道甜甜地，夹住用咖喱煮过嘅薯仔，唔使蘸汁都够味。
✨Garlic naan
口感松软，蒜香唔算重。我钟意佢有少少油份嘅湿润。
✨Biryani
有少少香料味嘅印度米饭，配咖喱食就最啱。
张贴
