丼造

营业中

休息中

每个星期总会有一日系唔煮饭嘅，所以今日放工行过呢度，就想试吓佢哋嘅鱼生饭。1）七色鱼生丼 $168七色鱼生丼，啲鱼生得唔得，我主要就系试佢哋𠮶块三文鱼、油甘鱼，同埋海胆。因为呢三样嘢新唔新鲜系最容易试得出嘅。三文鱼颜色好靓，好新鲜；油甘鱼冇筋，易入口；海胆一啲都唔腥臭，非常鲜甜所以，呢个七色鱼生当系性价比非常高！2）极上粒粒鱼生丼 $158呢个粒粒鱼生饭真系一个高级版，因为有海胆呀！！海胆个份量仲要系好慷慨嘅份量啊！呢个海胆都系非常之新鲜，而且系以三文鱼粒、油甘鱼粒、三文鱼子，同埋蟹籽为主打嘅鱼生饭，口感丰富 。跟套餐系有一个新鲜嘅蔬菜沙律（配黑醋汁），同埋饮品。饮品可以拣汽水或者汤。今晚我哋就+$15@转个鱼汤。鱼汤非常之鲜甜，仲冇味精添。蔬菜沙律非常新鲜，仲要系跟黑醋汁，非常之健康。呢间鱼生丼系即叫即制，连外卖自取嘅丼饭都系即叫即制，非常新鲜，所以外卖自取要等一阵都值得。店舖有少量座位可供堂食，店员都好亲切殷勤。