2派克雞排

营业中

休息中

之前行旺角既然时候都成日经过【2派克鸡排】见好多人，今次岩岩整好野经过闻到好香又未食饭，所以就去买左啦。炸物即叫即炸，非常新鲜，所以都要少少时间等候。不过其实都几快、10分钟左右就有得攞。无骨鸡腿排（海苔味）：外皮系比较厚少少既粉浆炸皮、非常大块同热辣辣，而里面既鸡肉超级无敌嫩同juicy。海苔味比较接近原味椒盐味但加左海苔、更加鲜味。地瓜条（梅子味）：地瓜条就一定要配梅子味啦，酸酸甜甜咸咸。而且质地同味道唔太似急冻、似系新鲜番薯炸，外脆内软。甜不辣（芝士味）：自家制甜不辣、鱼浆鱼肉比例比较高、比较弹牙。而且芝士味超级浓郁，非常推荐。