古今二 (The ONE)

营业中

休息中

之前喺观塘嘅工厦食过古今二，觉得性价比劲高，原来佢而家都已经做到有声有色，慢慢地开咗好多分店，今日就去到尖沙咀The One嘅分店再次回味，入面嘅环境都靓咗好多。最钟意食沙律做前菜，呢个名为柚想虾你沙律系有柚子同甜虾，而且仲包括蟹籽、豆腐、沙律菜等，味道清新又鲜甜。彩虹卷系必点嘅菜式，非常打卡able。三款唔同颜色嘅刺身再以沙律生菜作伴，犹如一幅风景画。彩虹卷入面卷有牛油果同蟹柳，感觉几清新。另外就拣咗超级龙卷风，上面洒满咗脆片。两端仲露出炸虾尾。而入面除咗有炸虾，仲有鳗鱼同芝士，呢个就比较惹味得多。另外仲叫咗杂锦天妇罗，除咗有炸虾之外，仲有秋葵同迷你紫薯。三款之中我觉得秋葵最惊喜，以天妇罗制作嘅秋葵冇咗滑潺潺嘅感觉，变得最好食嘅一款。我最钟意食茄子，而朋友就钟意食樱花虾，呢个樱花虾烧茄子对我哋来讲简直系完美嘅组合。一丝丝嘅茄子肉挂住香烤过嘅樱花虾，味道实在令人回味。最后食个日式炒乌冬，配料唔多，但好味嘅日式酱汁混入弹牙嘅乌冬就已经足够，确系简单而好味嘅菜式。