和居酒屋 (已結業)

人均200蚊左右都食到高汁日本嘢，旺角呢条街餐厅好多，但唯独有2间特别引人注意，1间系越南餐厅，另一间就系呢间和居酒屋⛩气氛比人一种好舒适宁静嘅感觉，装修好别致，座位坐得阔落。👍🏻Menu种类多，沙律刺身寿司，到串烧料理烧物都有，钟意饮sake嘅仲会有一d送酒小食。唔想谂嘅嗌个定食都系100左右，有埋面豉汤刺身/小食🥰刺身嗌左2款 : 厚切三文鱼腩($62)，日本带子($48)刺身好新鲜，切得大方，厚度目测都有成4cm一块，鱼油亦丰富😳寿司嗌左4款 : 剑鱼腩，北寄贝，八爪鱼同韩国马粪海胆军舰。价钱廿几到卌几，特别想讲个海胆军舰，海胆size细细粒但比得好多，好甜，卌几有2件食得过🤤串烧分别有鸡软骨，黑豚五花腩，豚肉苹果同牛舌。而其中，牛舌($48)水准最高！一串4块，厚度足够，食得好过瘾☺️最尾惊唔够饱嗌多个咖哩牛肉乌冬($78)，好大碗，成餐落黎十分满足😳 颇有水准嘅一间日本餐厅。