影片
更多
2021-06-03
251 浏览
今次又同朋友黎到尖沙咀厚福街既元祖沾面。其实之前自己已经食过两次，都觉得唔错。今次再次帮衬，一于把心一横，试下佢既招牌沾面啦！店铺虽然唔算阔落，但对客人都算照顾周到。员工好Nice，而且佢地每个座位下面都有个篮用来装随身物品，真系好贴心！要知道地方浅窄既面店，成日冇位摆背囊摆手袋摆外套，摆椅背后又惊阻到人，放大腿上又怕食食下面比汤汁整污糟。店家识善用凳底既空间储物，值得赞赏。仲有个几得意既位系点左菜后店员比左个沙漏我地，原来系20分钟内上唔到菜既话可以全单九折。可见呢个面店都对自己既服务水准有要求，会尽量避免拖单漏单，咁当然我地食六点几果段时间算早，店内未满晒，所以叫左野食后个沙漏未滴到一半就黎晒D野食啦 ~有大食大，我当然系点左佢招牌既「极上芝士蟹黄沾面」($148) 啦！碗沾面面质尚可，唔会太腍，而日式叉烧、笋干等配料都系基本，重点系佢个芝士酱汤真系浓郁！酱入面仲有足料蟹肉丝同蟹黄，而且仲有海胆，加上啖啖蟹味，真系不得了。每夹一住面沾一下汁，都系超邪恶既食法。加上店家好似仲嫌唔够咁，另外埋个芝士焗蟹盖添。一啖沾面，捞D蟹籽，再一啖芝士蟹盖，尽享芝士既香同埋蟹黄蟹膏既鲜，所谓「极上」
今次又同朋友黎到尖沙咀厚福街既元祖沾面。其实之前自己已经食过两次，都觉得唔错。今次再次帮衬，一于把心一横，试下佢既招牌沾面啦！
店铺虽然唔算阔落，但对客人都算照顾周到。员工好Nice，而且佢地每个座位下面都有个篮用来装随身物品，真系好贴心！要知道地方浅窄既面店，成日冇位摆背囊摆手袋摆外套，摆椅背后又惊阻到人，放大腿上又怕食食下面比汤汁整污糟。店家识善用凳底既空间储物，值得赞赏。
仲有个几得意既位系点左菜后店员比左个沙漏我地，原来系20分钟内上唔到菜既话可以全单九折。可见呢个面店都对自己既服务水准有要求，会尽量避免拖单漏单，咁当然我地食六点几果段时间算早，店内未满晒，所以叫左野食后个沙漏未滴到一半就黎晒D野食啦 ~
有大食大，我当然系点左佢招牌既「极上芝士蟹黄沾面」($148) 啦！碗沾面面质尚可，唔会太腍，而日式叉烧、笋干等配料都系基本，重点系佢个芝士酱汤真系浓郁！酱入面仲有足料蟹肉丝同蟹黄，而且仲有海胆，加上啖啖蟹味，真系不得了。每夹一住面沾一下汁，都系超邪恶既食法。加上店家好似仲嫌唔够咁，另外埋个芝士焗蟹盖添。一啖沾面，捞D蟹籽，再一啖芝士蟹盖，尽享芝士既香同埋蟹黄蟹膏既鲜，所谓「极上」，完全系无花无假既味之飨宴！
而朋友就叫左个「黑蒜豚骨叉烧拉面」($ 98)，我试左少少个面汤，都香浓既。但系咁邪恶既芝士蟹黄沾面面前，都无办法试清楚啦呵呵~
绝对系厚福街香港人必食推介！
张贴
