Amitie Kitchen

营业中

休息中

今日嘅餐汤系粟米忌廉汤，汤面上有少少香草，佢系冇粟米粒粒嘅，成个汤都系好流质，饮得出真系得粟米同忌廉同埋好少嘅盐，真系食紧粟米嘅味道，唔系出面饮𠮶啲罐头好咸𠮶啲。跟住我仲落咗个矶烧鲍鱼做前有菜，鲍鱼好入味，煮得好软身，好易咬，个沙律都系日本芝麻汁黎调味，沙律好新鲜小蕃茄好甜。 咁样我本身减紧肥啦，咁我个lunch set就叫咗个香草蜜糖烧春鸡，梗系配蔬菜。 个鸡就烧得好靓呀。面头有好多香草，个鸡皮有少少甜味，一切开就见到啲肉汁流紧出嚟，烧得啱啱好好嫩滑，啱啱熟。 我发觉呢一间啲调味都系偏向尊重食材嘅原味，唔会落太多盐，调味料或者味精𠮶啲。所以食落都系好有鸡味嘅。 佢嘅伴碟烤蔬菜都做得好好食。 因为今餐呢都叫咗好多嘢食啦，咁最后叫咗杯芦荟蜂蜜，清清地咁几好饮。