研香

营业中

休息中

呢间甜品铺系尖沙咀厚福街，铺头唔大间，但系都唔会逼到冚晒，坐得都舒服。我地试佐开心果露同埋芝麻糊。开心果露$48一碗，但绝对抵食👍🏻开心果系意大利新鲜运到，之后就用石磨低温磨制出黎，石磨磨完出黎开心果好幼细，成碗糖水好绵滑，加上洒系面头既开心果碎，味道好清甜好好食，超级正，完全系高质甜品呀！之后就系芝麻糊，芝麻糊加入日本金芝麻，用8个钟慢磨出升级版既经典糖水，芝麻味道浓郁，好香，成碗糖水都好入味，食到粒粒芝麻蓉系我入面，日本金芝麻更加香，浓烈既芝麻香味透出阵阵甘香，食得出真系好足料，好健康！