影片
更多
2014-08-27
1047 浏览
我唔知团购的定义系咪=cheap=比人觉得你好穷比唔起钱=服务态度差未有团购前见呢间火锅食评唔错，咁见到佢做团购就叫埋D朋友一齐试吓啦！首先讲咗食物呢方面先！我哋叫咗个胡椒猪肚汤底，但味道一般，饮落去就淡淡哋！佢哋送咗牛脊肉同黑豚肉各一碟，份量都ok，我本身就喜欢食牛肉，但佢哋碟牛就真系麻麻哋，拾咗唔系好耐就起，但食落就un un哋，但碟猪就几ok，食落都几爽口！其他食物都几好，我哋都系叫咗d丸、菇、鱼滑果d嘢啦，但佢有个芥末虾滑，店员讲咗唔可以拾太耐，拾得太耐就会有苦味，但我哋又惊拾唔熟，所以都系拾耐咗旧嘢真系有苦味，变得几难食！不过佢都有惊喜，就系佢哋d即炸鱼角同鱼丸，我哋仲encore咗一次，但因为一上枱就比人夹哂，所以无影到相！食物质表真系一般，但服务态度就真系唔系一般的差！我哋book咗8点，但早到咗15分钟，咁就谂住叫定汤底同菜啦，但店员话你哋系团购，有限时所以book咗8点，就要8点先可以落单，咁佢咁讲我哋都ok，咪等到8点先落单啦，其实果晚我见佢都唔系好多人帮衬，都系得几枱人，但我哋落咗单个汤都要等15分钟先有，又话限时但上汤底又要等咁耐，就算有𩠌都拾唔到嚟食！而且最令
未有团购前见呢间火锅食评唔错，咁见到佢做团购就叫埋D朋友一齐试吓啦！
首先讲咗食物呢方面先！
我哋叫咗个胡椒猪肚汤底，但味道一般，饮落去就淡淡哋！
佢哋送咗牛脊肉同黑豚肉各一碟，份量都ok，我本身就喜欢食牛肉，但佢哋碟牛就真系麻麻哋，拾咗唔系好耐就起，但食落就un un哋，但碟猪就几ok，食落都几爽口！
其他食物都几好，我哋都系叫咗d丸、菇、鱼滑果d嘢啦，但佢有个芥末虾滑，店员讲咗唔可以拾太耐，拾得太耐就会有苦味，但我哋又惊拾唔熟，所以都系拾耐咗旧嘢真系有苦味，变得几难食！不过佢都有惊喜，就系佢哋d即炸鱼角同鱼丸，我哋仲encore咗一次，但因为一上枱就比人夹哂，所以无影到相！
食物质表真系一般，但服务态度就真系唔系一般的差！
我哋book咗8点，但早到咗15分钟，咁就谂住叫定汤底同菜啦，但店员话你哋系团购，有限时所以book咗8点，就要8点先可以落单，咁佢咁讲我哋都ok，咪等到8点先落单啦，其实果晚我见佢都唔系好多人帮衬，都系得几枱人，但我哋落咗单个汤都要等15分钟先有，又话限时但上汤底又要等咁耐，就算有𩠌都拾唔到嚟食！
而且最令我哋唔开心的事系，我哋一落单就有个中性打扮的女士走嚟讲：[唔好点太多，你哋食唔哂会收返你原价，我都唔想收多你哋钱，你哋食得落先好呀！]，如是者呢位女士一行过我哋张枱就会停下来讲呢句，但佢果晚系我哋张枱经过十几廿次，就真系讲足呢十几廿次！
讲真呀，一班朋友一齐食饭，除咗食物好唔好食之外，都好讲气氛，呢位女士系两个钟里面(因为限时两个钟)咁做，真系咩气氛都无哂！
咁我哋等汤底时谂住问佢攞调味料嚟混吓酱啦，点知店员话团购系得普通豉油用，其他酱就要加钱，每位加16元，咁我哋都唯有加啦！
个团购每位包两支饮品，但朋友话想要热茶，问店员啦，佢就话热荼要收钱每壶32元，咁我哋都唯有比啦！讲真呀，打边炉点都会食净少少嘢，虽然好多食肆都会话唔可以食净，食净就要收钱，但都唔会计都咁尽收你钱，点都想要个回头客啦，但呢间火锅真系奇葩，果位女士将汤底里面的料锚起，其实虽然我哋叫咗胡椒猪肚汤，但d料我哋都唔多食，佢就锚哂d猪肚上嚟要我哋食哂先可以走，如果唔系就收钱，哇~~今时今日咁既服务态度真系........
佢哋样样嘢都要加钱，加埋加埋每人都要二百几蚊啦，咁我宁愿比正价唔团购，可以食得有尊严d啰！不过真系唔会有下次机会帮衬佢啦！
张贴
