影片
更多
2020-10-16
6592 浏览
我其中一位最好嘅朋友就嚟要出国进修，呢晚就同佢饯行，我专登拣咗一间🥦素菜馆同佢食，因为佢近年开始茹素。我上网揾完一轮，拣咗位于铜锣湾登龙街嘅「素.喜.馆 」。由于订咗位，店员秒速安排我哋入座。餐厅主要由一位男店员负责楼面，佢超好人同超有礼貌😊，大大提升整个用餐体验。餐厅嘅餐牌好简单，就系得一个每位$275(免加一服务费)嘅晚市套餐🍽，全部项目已经Set好哂，由前菜到甜品都有，好丰盛。咁嘅设定好似食日式料理厨师发办👨🏼🍳，但呢度系素菜版。先嚟前菜小食四款嘅第一款：酸辣四季豆。佢真系好适合作为全餐第一样放入口嘅菜式🈴。因为酸辣味好出，好开胃，但又唔会难接受。之后就一次过上埋另外三款3️⃣前菜小食。桂花蜜渍小蕃茄🍅，两粒去皮蕃茄仔好甜啊，好好食，完全唔酸，不过桂花香就唔算太突出。蛋黄酱拌橄榄脆饼🥨，四款小食之中佢最好食，兼最养眼。脆饼上面有蛋黄酱沙律蛋连青瓜粒，再上面就应该系南瓜蓉加橄榄。成个组合无论味道定层次口感都好丰富！焗酿燕麦鲜冬菇🍄，冬菇焗到微微㶶边好正，酿燕麦就呈金黄色，造型同煎酿鱼肉三宝好似，个人认为仲好食啲添，因为无咗鱼肉嘅腥味。烤焗红菜头柚子沙律🥗，沙律个摆盘几靓，有啲似艺术品
我其中一位最好嘅朋友就嚟要出国进修，呢晚就同佢饯行，我专登拣咗一间🥦素菜馆同佢食，因为佢近年开始茹素。我上网揾完一轮，拣咗位于铜锣湾登龙街嘅「素.喜.馆 」。
由于订咗位，店员秒速安排我哋入座。餐厅主要由一位男店员负责楼面，佢超好人同超有礼貌😊，大大提升整个用餐体验。
餐厅嘅餐牌好简单，就系得一个每位$275(免加一服务费)嘅晚市套餐🍽，全部项目已经Set好哂，由前菜到甜品都有，好丰盛。咁嘅设定好似食日式料理厨师发办👨🏼🍳，但呢度系素菜版。
酸辣四季豆
44 浏览
1 赞好
0 留言
之后就一次过上埋另外三款3️⃣前菜小食。
桂花蜜渍小蕃茄
29 浏览
0 赞好
0 留言
蛋黄酱拌橄榄脆饼
38 浏览
0 赞好
0 留言
焗酿燕麦鲜冬菇
26 浏览
0 赞好
0 留言
烤焗红菜头柚子沙律
39 浏览
0 赞好
0 留言
烤焗红菜头柚子沙律🥗，沙律个摆盘几靓，有啲似艺术品。沙律落咗柚子，味道变得清新，亦都中和咗黑醋嘅酸。不过红菜头应该唔系菜名所述嘅经烤焗，食落同一般嘅无分别，但并唔影响沙律嘅味道。
鲜淮山甘荀汤
31 浏览
0 赞好
0 留言
跟汤嘅餐包几有诚意，大块面包好松软🍞，饼干条就好脆。
黑松露芝士炸薯球
37 浏览
0 赞好
0 留言
点知惊喜陆续有来，咬开之后发现薯球入面有好香嘅黑松露同拉丝浓郁芝士🧀，同薯仔层好夹，好美味。
绿色全蔬腰果仁耳朵粉
34 浏览
0 赞好
0 留言
绿色全蔬腰果仁耳朵粉
38 浏览
0 赞好
0 留言
伯爵茶朱古力奶冻
82 浏览
0 赞好
0 留言
伯爵茶朱古力奶冻🍮，呢个奶冻甜品无得弹，外表平平奇奇，以一个迷你玻璃樽仔装住。🍫朱古力嘅部份集中系奶冻面头嘅朱古力粉，伯爵茶味嘅奶冻先系主角。奶冻口感细滑，入口即溶，伯爵茶味浓而不涩，亦唔会过甜，出色！
养生黑豆茶🍵，茶就系全晚最失色的，因为好淡，冲紧都仲系唔够味，水咁嘅色，后尾好奇打开发现应该关黑豆落得唔够多事🙈。不过整体对晚餐都唔大影响嘅，有少少美中不足而已。题外话，餐厅晚市做指定晚餐，午市就有各种多国菜嘅套餐选择。
环境方面，餐厅简洁整齐，红色同绿色嘅墙身令人好舒服💚。
总括嚟讲，素喜馆系一间唔错嘅素菜馆，每道菜色均系色香味俱全😋，就连我呢只食肉兽都非常满意。我知道餐厅每个月都会转餐牌，有机会想再帮衬试吓。其实素菜都真系可以好好食，而且感觉仲健康啲添，又为环保减炭出一分力♻️。
张贴
