云手工火鍋店

营业中

休息中

放工同咗個同事兩個人去咗酒店。唔好誤會，我哋冇嘢嘅，我哋去打邊爐啫！我知聽落係有啲牽強，但係系真嘅呢！🍖打邊爐最緊要湯底，呢度嘅湯底真係好igable. 我哋點咗火焰三椰雞湯。容許我講下爛gag，呢個湯底真係yeah yeah yeah （三yeah）。店員之後會喺你面前用牛油炒香個雞，呢個時候牛油嘅香味真係冇得彈，再加酒用火燒，色香俱全。我建議男女朋友應該坐喺同一邊，當火燒起嚟嘅時候，男朋友就可以攬住個女仔，講出：我保護你呢一句得米咒語。跟住店員再分别倒入三次嘅唔同椰子水。喺原個椰子度倒出嚟，真係真材實料。材料滾起之後就可以開始飲湯食雞。湯好鮮甜，雞肉亦都好嫩滑。🍖其他嘅打邊爐配料我哋叫咗本地滑牛，牛肉包同埋松露丸。 本地牛真係冇得頂，好滑，好有牛味。牛肉包裡面好濕潤，充滿湯汁。松露嘅味道就超香，咬落去之後成口都縈繞住，齒夾留香。🍖我哋又叫咗一個串燒，豚肉荔枝，同一個燒粟米。荔枝嘅甜味引發豚肉既呢度昇華。粟米上面加咗孜然，令到燒過既粟米更加香口，更加惹味。以後大家可以多啲約人去酒店....打邊爐啦。