影片
更多
2022-06-12
30 浏览
唔经唔觉到咗今日同老婆大人结婚23年喇老夫老妻都要庆祝吓嘅！佢最钟意紫色就揾间紫色嘅餐厅同佢食番餐。拣咗喺北角汇嘅意大利餐厅Giovanni Pina，入面除咗有落地玻璃窗仲有满天紫藤花，喱个环境啱晒紫迷老婆大人。话晒庆祝整杯红酒是常识吧！酒杯入面嘅老婆大人真系特别正哈哈哈。钟意食鲜味嘢嘅我哋叫咗两个前菜都系海鲜，第一样系蒜片番茄白酒汁煮青口配意大利脆包片，青口有好多只仲几肥仔跟埋脆多士上枱，用番茄煮过嘅青口酸酸哋吊起晒青口嘅鲜味连埋块脆卜卜嘅多士食仲正。另外一个前菜系老婆大人最like嘅意式烤八爪鱼配辣烟熏甜椒酱，八爪鱼食落淋滑牙力唔好嘅我都食得好鬼舒服，而且唔会淡茂茂有鲜味几唔错㖞。主菜老婆大人拣咗食烤伊比利亚猪鞍配黑椒汁，我试咗一嚿又几香仲好有咬口添，而且仲有好多烤杂菜和同薯仔份量好足。我就梗系食牛肉啦叫咗一个纽西兰特级牛柳香煎鹅肝配主厨秘方陈醋汁＄308。厚切鹅肝够滑够香肯定系靓货，牛柳点咗五成熟嚟到切开睇到煮得好准，牛柳鲜嫩淋滑仲有阵阵嘅焦香味极度好味。甜品拣咗双球意大利雪糕味道系开心果同埋Tiramisu，开心果雪糕劲浓味又滑嘟嘟，Tiramisu就交比老婆大人食好喇，希望
拣咗喺北角汇嘅意大利餐厅Giovanni Pina，入面除咗有落地玻璃窗仲有满天紫藤花，喱个环境啱晒紫迷老婆大人。
话晒庆祝整杯红酒是常识吧！酒杯入面嘅老婆大人真系特别正哈哈哈。
钟意食鲜味嘢嘅我哋叫咗两个前菜都系海鲜，第一样系蒜片番茄白酒汁煮青口配意大利脆包片，青口有好多只仲几肥仔跟埋脆多士上枱，用番茄煮过嘅青口酸酸哋吊起晒青口嘅鲜味连埋块脆卜卜嘅多士食仲正。
另外一个前菜系老婆大人最like嘅意式烤八爪鱼配辣烟熏甜椒酱，八爪鱼食落淋滑牙力唔好嘅我都食得好鬼舒服，而且唔会淡茂茂有鲜味几唔错㖞。
主菜老婆大人拣咗食烤伊比利亚猪鞍配黑椒汁，我试咗一嚿又几香仲好有咬口添，而且仲有好多烤杂菜和同薯仔份量好足。
我就梗系食牛肉啦叫咗一个纽西兰特级牛柳香煎鹅肝配主厨秘方陈醋汁＄308。
厚切鹅肝够滑够香肯定系靓货，牛柳点咗五成熟嚟到切开睇到煮得好准，牛柳鲜嫩淋滑仲有阵阵嘅焦香味极度好味。
甜品拣咗双球意大利雪糕味道系开心果同埋Tiramisu，开心果雪糕劲浓味又滑嘟嘟，Tiramisu就交比老婆大人食好喇，希望佢食得满意同开心啦！期待下年可以出国外游去庆祝我哋嘅萨丁婚。
Giovanni Pina Ristorante, Bar & Pasticceria
电话： 27550013
地址：北角北角邨里1号北角汇一期1楼111号舖
张贴
