Lemongrass (已結業)

泰国菜一向系我嘅最爱，朋友经常推介呢间Lemongrass，趁今日黎开奥海城睇戏，就一于黎试下啦。无骨酸辣凤爪 :对于我来讲，凤爪系泰国菜里面唔可以缺少嘅小食之一，呢度嘅酸辣凤爪，入口酸酸地，非常醒胃，辣度亦都刚刚好，仲要系无骨添，咁就唔驶吐骨啦，好方便。冬荫公：食泰国嘢又点少得饮冬荫公汤呢，冬荫公其实系泰式酸辣汤，材料有南姜、酸子、香茅、青葱、酸柠檬、辣椒、鱼露等等，呢度嘅冬荫公有分大同细两个size 拣，我见大嘅价钱超值咁多，就梗系拣大架啦。卖相呈橙红色嘅泰式酸辣汤，上菜时热辣辣，香料十足，有菇、蕃茄同虾等等，入口又酸又辣，好开胃。鲜菠萝海鲜炒饭：原个菠萝上嘅海鲜炒饭，加埋面头嘅大虾，只系卖相已经非常吸引，真系令人忍唔住「相机食先」。炒饭配料都几多，炒得够干身之余仲好香，份量对于两个人黎讲仲系刚刚好，唔错。埋单每人唔洗＄200，食到饱饱又可以舒舒服服咁坐个几钟，都算唔错啦。