Amitie Kitchen (已搬遷) 新店位置

呢排中意食韩式饭卷做晚餐，成日去尖沙咀，家姐话系尖沙咀食到唔知食乜，问佢有无去过亚士厘道食野？咁多野食点会唔知食乜，结果果然系答我无，咁我今日就带佢去食之前我系openrice已经一早bookmark左既隐世法国餐厅啦！中午2点先去到，好在仲未落场，以前应该会无乜人，点知都好full下，竟然大厦入面要上8楼既餐厅都可以咁多人，应该都真系几唔错先会咁样！我叫左个午市套餐，辣西西里汁火腿呑拿鱼米型粉，米型粉无哂，转左扁意粉！唔会太辣，好惹味，配料好多，啱哂我！套餐仲配有餐汤，是日餐汤系蕃茄忌廉汤，好香浓，好好味！家姐叫左个香煎法国鸭肝多士配车厘子酱多士好香脆，中间仲有个沙律配黑醋汁中和下你口腔个味道无咁腻，鸭肝好好食，酸酸甜甜既车厘子酱同佢好夹！仲嗌左个法式香草牛油焗田螺田螺肉大多汁，底下既薯蓉系无敌！好香好滑！田螺既汁流左落去之后系好食到成盆食哂都得！一流呀！家姐叫左杯热榛子咖啡，好饮，个杯好靓！可以摆埋支匙羹系杯身度，好特别！我杯热情果梳打唔会太甜，好味道！下次带老公来试下佢地既晚餐先！佢实中意！