第三站

嚟紧去日本，今日特登拣咗间Cafe同朋友仔倾埋行程，网站OpenRice订枱仲有优惠。我哋叫咗一个晚市套餐，一个套餐就加左38，配左田园沙津&法国朱古力蛋糕，成个感觉更加丰富，有份前菜又有甜品。卡邦尼烟肉杂菌意粉有好多烟肉同埋杂菌，香浓芝士嘅口感，酱汁都好挂意粉，份量都几多下。黑松露带子鲜菌烩意大利饭个饭充满丰富嘅黑松露香气，配料讲真就真系唔算好多，入边有珍珠带子粒同埋菌类。特式拼盘入面有洋葱圈，芝士条，蜜糖鸡翼，日式饺子，咖啡角，新鲜香脆热辣辣即炸。特浓朱古力好有小时候既朱古力味道，浓郁既朱古力加左cream。曲奇奶昔好有云尼拿既香气，入口顺滑。