一粥麵 (都會駅)

营业中

休息中

难得老公一星期放2日假，前日去左大半日街；今日就乖乖在家休息一下，只系落街食个下午茶就算啦。不过其实楼下都冇乜好食，食店选择真系唔多，所以最后又系一粥面啦。本来呢，我想食上次果只芝麻蜜糖鸡翼架；因为真系几好味。点知已经冇左啦但又发现有好抵食既下午茶餐。因为我又想食银针粉，又想食碗仔翅，所以最后老公就买晒2款下午茶餐Share食啦。碗仔翅配鱼蛋萝卜，都几好食，冇话好似上次只芝麻鸡翼咁会令人想再食啰。同埋今日D野完全唔热的，感觉又冇咁好。银针粉配炒面鱼蛋，银针粉几好食，但系D料真系少左D，重有就系唔够热。炒面，我钟意食甜酱食，有甜酱就点都好食架啦下午茶餐只系29蚊一个，真系几抵。配炒面都真系几饱，但如果只系配鱼蛋萝卜就应该会差D啰。