極尚大喜屋 (加連威老道) (已結業)

好耐都无食过放题啦，挂住任点任食既日子😂食放题，其中一样必交叫菜式-刺身。呢间餐厅好意外竟然有得食长脚蟹蟹脚，叫左几旧黎食下，睇到自己整到完全既蟹肉，就觉得好成功感😎，都几多肉下。黑松露带子沙律，呢个好适合做前菜，虽然有黑松露味，但系唔会掩盖鲜带子嘅鲜味，再加上新鲜菜，觉得好fresh。烧鱼干，呢个系我需要encore 既嘢食，真系超好食。不过一定要趁热食，如果唔系会变得好硬，所以一定要把握时间😂烧帆立贝，落左沙律酱一齐去烧，酸酸甜甜，好开胃。呢种味道相对比较丰富，唔会过于单调。西芹炒带子，都几野味架，不过如果带子有多几旧就更好😂幸好西芹我都钟意食，成碟都食晒。咖喱炒蟹，辣度啱啱好，啱我钟意食辣又食唔到好辣既人😂有大大蟹钳，不过需要有牙力先可以食到。其实都叫左好多嘢食，有啲都未影相已经食左落肚😂今次食得好饱，好难得一次放题。