沁沁麫 (已結業)

呢个星期日个女带埋老公同我个外孙仔返泥食饭，我都买定左只新鲜鸡返泥蒸，点知我个女喺沁沁面订咗个盆菜返泥试，佢话好多人赞好味。个女拿个盆菜返泥话系六人份量，点解六人盆菜会甘大盆我都唔明，还有好鬼死重，我一人都搬唔起上个炉上面。打开包住个D保鲜纸又几鬼死香，每件材料都食过晒都几好食，值得一赞系猪手同腩肉炆得好好，两样野都系入口即溶，又好入味，个盆菜好好味到个个都净系夹个盆菜，平时孙仔最钟意食我的蒸鸡今晚都唔食，只系一味食个盆菜，搞到我只鸡食余晒。问个女个盆菜甘大盆甘好味洗唔洗$2000蚊，个女话$1200真系好抵食虽然个个都食左好多，但系都要两餐先食得晒，我只蒸鸡倒左落垃圾桶。