愛群餐廳

营业中

休息中

今日约咗朋友去佢屋企睇世界杯，开波之前梗系要食饱饱先，就去咗呢一间餐厅，我问佢都已经成10点钟仲有嘢食咩？原来呢间餐厅营业时间到晚上12点。睇吓个餐牌，哗，有冇咁抵呀，一个铁板餐，平均都唔使＄100？我哋一人拣咗一个铁板餐，你可以自由配搭，要唔要餐汤面包，或者加饭又或者意粉之类，都系多十元、八块左右，真系抵到你唔信！而且店内这环境都算OK啊，唔讲仲以为去咗啲高级嘅法国餐厅，情调气氛都唔错啊！件澳洲牛扒都算不过不失，分量亦唔少，咁嘅价钱真系去边度揾呀？我就拣咗冻嘅柠檬可乐，用嚟配铁板餐就冇得顶！冇花冇假，两条友埋单都系＄200左右，真正的平靓正！