嵩記牛什

营业中

休息中

喺长沙湾返完教会，见天气咁好就谂住行出旺角，一路行到去深水埗石硖尾咁啱见到呢间嵩记牛什，又有啲饿饿地就决定试试佢啦。间铺系一般旧式粉面铺，入面细细间铺得4张枱左右。入去坐低就叫左碗牛腩河多青。话咁快就上到枱，见啲腩有啲肥，当然我系唔介意嘅，对于钟意肥腩嘅人直头系钟意添嘅。饮左啖汤个汤头都香甜嘅，河粉份量多兼夹唔碎。牛腩唔会柴，啖啖都有肥劲香。唯一系佢个位置，无乜嘢真系唔会经过，今日真系想行吓先会行过有机会试到。