牛牛日式火鍋放題 (海之戀商場) (已結業)

好耐冇同朋友一齐打边炉啦，朋友系住荃湾个边，今次入去揾佢，佢就带左我试呢间牛牛日式火锅放题。入到去环境都都几舒服，位置空间都够阔落。汤底都好正，实在太多唔同款，最后叫左极之鲣鱼锅同药膳麻辣锅。朋友个极之鲣鱼锅就清清地而有鱼香味，不会太咸。而我个药膳麻辣锅真系好足料，十分浓郁而且好重药膳同麻辣味🥰海鲜食材都好掂，最钟意食虾同蛏子，大大只之余又鲜甜，只只都一样咁新鲜。另外仲有好多配料酱汁比你自己调味👍🏻我同朋友都一致认为丹麦王样牛小排系肉类嘅皇牌🥰牛肉都肉质鲜嫩，油花丰富，啖啖都有牛肉香味！搞到我地两个都食左好多碟先收口🤣