影片
更多
2016-09-01
1770 浏览
同兄弟食饭个个人都系无底深渊，一定要食仼食，行过见呢间新开同晚市做优惠够平，所以就试下。我地七点三到就好多人，好彩咁岩有位。坐低位置都寛阔，同枱面都干净企理，无污秽。坐低后会上开胃菜同生菜，都系泡菜酸瓜大豆芽之类。全部都好浓味。我地额外加左两个premium menu 的肉。分别系烤特级雪花牛肉同黑毛猪后颈肉。特级雪花牛肉分量好多，至少有25件，每块唔会切到薄，有接近一厘米厚。牛肉的油脂分布劲靓，够多脂肪同唔会有筋的位置岀现。烧落去我系烧40秒至50秒，就会有8成熟，真系好够稔同好重牛肉味，无雪味，唔需要落五香粉，只系点少许豆瓣酱味，会食到原汁原味，结果只系十分钟就食晒，差d要叫多点，无得顶。另一个的黑毛猪后颈肉，上碟果时就系一件仲个大个手的肉，有好多猪的筋，煮果阵真系要好耐，因为有1吋厚，要d时间。煮熟后要用剪刀剪成小块，纯肉的地方都几稔同几香肉香。但系筋的地方真系咬唔到，所以有3分1的地方食唔到，加上无经调味，要d麻油同酱汁先够味。叫唔叫就见人见智。食左个烤猪肉，距调左味，够晒咸但会有少少甜甜地，个味整得几好，再自己包埋生菜，够健康同无咁油，大家可以试下，因为生菜都几fresh同脆
我地七点三到就好多人，好彩咁岩有位。坐低位置都寛阔，同枱面都干净企理，无污秽。
坐低后会上开胃菜同生菜，都系泡菜酸瓜大豆芽之类。全部都好浓味。
我地额外加左两个premium menu 的肉。分别系烤特级雪花牛肉同黑毛猪后颈肉。
特级雪花牛肉分量好多，至少有25件，每块唔会切到薄，有接近一厘米厚。牛肉的油脂分布劲靓，够多脂肪同唔会有筋的位置岀现。烧落去我系烧40秒至50秒，就会有8成熟，真系好够稔同好重牛肉味，无雪味，唔需要落五香粉，只系点少许豆瓣酱味，会食到原汁原味，结果只系十分钟就食晒，差d要叫多点，无得顶。
另一个的黑毛猪后颈肉，上碟果时就系一件仲个大个手的肉，有好多猪的筋，煮果阵真系要好耐，因为有1吋厚，要d时间。煮熟后要用剪刀剪成小块，纯肉的地方都几稔同几香肉香。但系筋的地方真系咬唔到，所以有3分1的地方食唔到，加上无经调味，要d麻油同酱汁先够味。叫唔叫就见人见智。
食左个烤猪肉，距调左味，够晒咸但会有少少甜甜地，个味整得几好，再自己包埋生菜，够健康同无咁油，大家可以试下，因为生菜都几fresh同脆，好match，可以用鸡肉同五花腩都得。
系熟食方面，食左煎饺，外皮煎得360度都好脆，入面系艽菜同肉，好香口同细细只，唔会饱肚。
另外的系海鲜纯豆腐辣汤，入面有d八瓜鱼同虾粉，好似食到有带子。加上豆腐够晒够晒滑，唔会粉晒。味道有d辣辣地但系正常的，唔会咸同有d海鲜鲜味，煲得几好。
最后的炉边蛋记得落芝士，会好正拉丝！
同like埋距facebook仲有果酒送，甜甜地无咩酒味，解喝！
要赞下服务态度，因为距新开无手忙脚乱仲会留意下你d肉的大小，会帮你剪细，好nice 。一定会再去，好好食，肉够新鲜。
张贴
