亞婆豆腐花

营业中

休息中

大埔墟有间每分钟都有人排队嘅名店，除左区内街坊之外，仲有唔少区外人士专登黎帮衬。卖嘅，只系独孤一味嘅豆制品，但受欢迎程度，绝对系大埔墟之中最强。 豆腐花 呢碗豆腐花嘅一大吸引力，系滑到离晒谱嘅口感。豆腐花面系超级白滑，非常柔软。经常唔觉意，就会大力一索，豆花直冲入喉咙，快过闪电。豆腐花绝对系入口即溶，水感非常丰富，可算系个人记忆中，史上最滑豆腐花。可能系水份较多，豆味唔算浓郁，呢个应该都系滑滑豆花嘅常见问题。豆腐花本身加左微甜嘅糖水，再自助任加黄糖，热力慢慢溶化糖粉，味道更加香甜。呢间小小嘅豆腐花店，可算系觅食大埔嘅地标之一，任何时间都堆满立食嘅人潮，因为呢度绝对系平靓正嘅下午茶首选。顺带一提， 除左豆腐花之外，豆浆都相当清甜抵饮，而腐乳都OK抵买。